कवि दैवज्ञ दर्पणदैवज्ञराज न्यौपाने

संस्मरणात्मक कविता

ठुलो बुबा !

अंकिता पाण्डेय

म के कोरूँ ठुलो बुबा !

हजुरको सम्बन्धमा

मात्र सम्झना गाढा छ;

हजुरले दिनुभएको सृजना

मन-मस्तिष्कमा अझै गाढा छ;

किसानको महिमा अनि

गाउँखाने कविताका रमाइला पाठ

पढ्दै थिएँ हुर्केका बाल्यकालका हर ती साल;

आजैजस्तो लाग्छ आफैँले पनि सिकेको

हजुरकै भाकाबाट शब्दचयन गर्दै लिएको

तर आज केही कोर्न पनि म सक्तिन

हजुरको भौतिक उपस्थिति नै छैन भन्छन्

तर अहँ म त्यो पनि मान्दिन;

हजुर त आज पनि सृजनाका धरातलमा हुनुहुन्छ

मैले रचना गर्न खोज्ने हर रचनामा हुनुहुन्छ

खै ! कसरी बयान गरूँ ठुलो बुबा !

हजुर साहित्यिक आकाशमा सदा जीवित हुनुहुन्छ

हरेक शब्द र रचनाहरूमा मुस्कुराइरहनुहुन्छ।

हाल : टेक्सस, अमेरिका